Siglir tar il cuntegn

Header

Maletg simbolic: Fusiun da las scolas da skis da Scuol e Ftan.
Legenda: Maletg simbolic: Fusiun da las scolas da skis da Scuol e Ftan. Keystone
cuntegn

Engiadina Mo ina scola da skis a Motta Naluns sur Scuol

Las duas scolas da skis da Scuol e Ftan fusiuneschan ad ina scola cun varga 120 magistras e magisters da skis. Uschia è quai ina da las grondas en Svizra.

La collavuraziun è adina stada exemplarica, ma ina fusiun na vegniva betg en dumonda. L’onn d’enviern 2016/17 lura n’aveva l’associaziun da «Sports d’inviern Ftan» nagin maina gestiun. Uschia che la scola da skis a Scuol ha gidà en quella situaziun precara ed incumbensà lur vice-maina gestiun per quest post. Uschia è naschida l’idea da fusiunar.

Nizzegiar sinergias

Ord l'associaziun «Sports d’inviern Ftan» e la «Scoula da skis Svizra Scuol SA» datti nov la «Scoula da skis Svizra Scuol – Ftan SA». Cun la fusiun da las duas scolas duessan vegnir nizzegiadas sinergias en l’organisaziun sco era en l’administraziun. Danovamain lavuran varga 120 magistras e magisters da skis durant la stagiun auta en il territori da skis Motta Naluns sur Scuol.

Il restaurant «La Cana» a Ftan, ch’era en possess da l’anteriura scola da skis da Ftan, vegn era manà enavant da la nova societad fusiunada.

RR actualitad

Artitgels legì il pli savens

Nach links scrollen Nach rechts scrollen