Siglir tar il cuntegn

Engiadina Mobil da giuventetgna a Zernez

L’organisaziun Jugend.gr è ils proxims 3 onns en gir cun il project mobil da giuventetgna. Cun quel visitan els lieus nua che existan naginas purschidas per giuvenils. Purschidas sco in lieu d’inscuntrar in l'auter che correspunda a l’interess da giuvens tranter 13 e 16 onns.

Legenda: Guardar il video «Emprender da far grafits». Durada 2:10 minutas.
Or da Actualitad video dals 27.09.2015.

Il mument fa il mobil fermada a Zernez. Là ha il mobil gì l’effect giavischà, blers giuvenils han visita il mobil, èn sa participads a la purschida. Tranter auter vi dal project grafit. Ensemen cun l’artist da grafit indigen Mevion Famos ha ils giuvens pudì far grafits sin il mobil.

Finamira da stgaffir purschidas per ils giuvens

La finamira da Jugend.gr è che las vischnancas engaschan persunas che s' occupan dals giavischs e desideris dals giuvenils. Tge dovran e tge vulan els. Collavurar regiunal fiss la soluziun ideala per garantir avunda pensums da lavur.