Siglir tar il cuntegn

Engiadina Motociclist è collidà a Segl en l’Engiadina cun in bus

Il motociclist talian è collidà sonda suentermezdi sin la via tranter Segl Baselgia e Malögia cun in bus da l’Engiadina e sa blessà mez grev.

Bus da l'Engiadina cun donns da l'accident.
Legenda: Il bus da l’Engiadina è vegnì donnegià entras l'accident. MAD

Il motociclist charrava suenter duas motos tudestgas che han franà. Il motociclist da 60 onns ha realisà quai memia tard ed è uschia crudà e collidà cun in bus da l’Engiadina che vegneva encunter. Cun blessuras mez grevas ha l’ambulanza transportà l’um en l’ospital da Samedan. Pervia da l’accident è il traffic tranter Segl e Malögia stà disturbà durant duas uras.

RR actualitad 11:00