Ina gruppa da motociclists Tschecs charrava il venderdi suentermezdi sin la Via d’Engiadina H27 en direcziun da Zernez, communitgescha la Polizia chantunala.
A Magnacun è in dals motociclists lura vegnì sin il vial oppost. El è sinaquai collidà cun in camiun che vegniva encunter. L’um da 60 onns è vegnì blessà grevamain tar l’accident.
Malgrà ch’el è vegnì reanimà da la squadra d’ambulanza Scuol al lieu da l’accident e silsuenter sgulà cun la Rega a Cuira en l’Ospital chantunal è el mort curt temp suenter.
RR novitads 10:00