Las diesch plazzas da lavurar en il Mountain Hub a Scuol èn quasi adina reservadas durant la stagiun auta. Durant la stagiun bassa percunter datti anc plazzas libras, uschè la manadra da finanzas e responsabla per il Hub a Scuol Ursina Mauri.
Il tipic utilisader è l’Engiadinais che viva giu la Bassa, quel ha cun quest model la pussaivladad da turnar en la patria, ma natiralmain datti era blers auters, sco per exempel proprietaris da segundas abitaziuns. E finalmain profiteschan era firmas da la purschida da lavurar in cumbinaziun cun la pussaivladad dad esser en la natira cun tut il team.
Era indigens profiteschan
In dad els è il dissegnader da fabrica Niculin Bisaz da Ramosch. Malgrà ch’el avess la pussaivladad da lavurar a chasa, profitescha el da questa pussaivladad.
L’avantatg è da rivar ord chasa e da far in cunfin tranter lavurar e la vita privata.
Oravant tut la pandemia da corona ha gì in grond effect, bleras firmas e persunas han chattà cun quest model ina nova schanza per lavurar, collavurar e recrar.