Siglir tar il cuntegn

Header

Navigaziun

Legenda: Tadlar il audio Bunura: Dapli inscunters per l'orchester sinfonic da giuvenils. Durada 02:33 minutas.
Or da Actualitad dals 03.06.2019.
cuntegn

Engiadina Mozart, Schubert u tango-total

Musica da chombra ha bleras facettas. Intginas han radund 20 giuvenils emprendì d'enconuscher questa fin d'emna a Samedan. Quai sut la batgetta da l'orchester sinfonic da giuvenils dal Grischun.

Mintg'atun s'inscuntra l'orchester sinfonic da giuvenils per in'emna a Breil. Per il nov manader da l'orchester, Christian Barenius, è quai stà memia pauc.

Da dir chau e fin l'onn proxim hai jau adina chattà tut curius.
Autur: Christian BareniusManader orchester sinfonic da giuvenils

Perquai haja el inizià ensemen cun sia antecessura ina fin d'emna cun musica da chombra. Quai saja era stà in giavisch dals giuvens. Cler saja era stà che questa fin d'emna stoppia avair lieu en l'Engiadina, perquai ch'i vegnia uschiglio adina exercità e concertà en Surselva ed a Cuira.

La sfida da crear ensembles

Bun 20 giuvenils tranter 10 e 17 onns han damai nizzegià la pussaivladad da far ensemen ina fin d'emna musica da chombra. Las notas hajan ils scolars survegnì oravant. La sfida surtut per ils magisters saja stada da crear ils ensembles, di Christian Barenius. Ma i saja interessant da lavurar cun els.

La finamira na saja betg perfecziun suenter ils 2 dis d'exercitar. Tuttina datti in concert la dumengia suentermezdi. Tenor il manader en emprima lingia sco motivaziun per ils giuvens.

RR actualitad 06:00