Siglir tar il cuntegn

Header

Navigaziun

Legenda: Guardar il video Nova priura per la claustra San Jon. Durada 01:57 minutas.
Or da RTR dals 14.08.2019.
cuntegn

Müstair - Claustra San Jon Elecziuns en claustra San Jon a Müstair

La cuminanza da mungias benedictinas en la claustra San Jon a Müstair sto tscherner ina nova priura

Avant sis onns è vegnida elegida la sora Domenica sco successura da la priura Pia. Ella è vegnida elegida quella giada da la cuminanza da mungias benedictinas per ina perioda da sis onns, fin ch’ella cumplenescha ses 75avel anniversari.

La priura Domenica ha la fin da quest mais natalizi e ses temp d’uffizi va a fin.

La tscherna d’ina nova priura e fixada sin ils dus d’october sut la batgetta dal avat Christian da la claustra benedictina d’Engelberg.

Legenda: Guardar il video Esser priura è ina gronda responsabladad. Durada 00:36 minutas.
Or da RTR dals 14.08.2019.

Betg gronda schelta

La cuminanza da mungias en la claustra da San Jon consista mo pli da 9 mungias. Ellas sezzas elegian en in scrutini ina d’ellas sco nova priura. La nova priura na stuess betg esser memia veglia, di priura Domenica, segir ina giada sut 70 onns. Quai restrenscha anc pli fitg la tscherna. Tenor la priura Domenica vegnan be quatter mungias en dumonda.

Nus faschain uraziun e lura vegn bain ora la dretga. Uschiglio essan nus sezzas la culpa.
Autur: Priura Domenica