Siglir tar il cuntegn

Header

Navigaziun

cuntegn

Müstair Claustra Son Jon – stalla extra muros

Prescripziuns, leschas ed emissiuns sforzan la claustra da fabritgar ina nova stalla per il muvel.

Radund 500 meters davent da la claustra, a Fradetsch duai vegnir fabritgada questa nova stalla per radund 40 vatgas. Ils purschels e la biestga percunter dastgan restar dadens las miraglias.

La claustra – patrimoni cultural UNESCO

La construcziun d’ina nova stalla en vischinanza da la claustra sezza n’avess betg gì schanzas, quai causa l’impurtanza architectonica ed archeologica. Ensemen cun las instituziuns pertutgadas han ins discutà differentas variantas ed è finalmain vegnì a la conclusiun d’allontanar la stalla cumplettamain dal object istoric.

Canera ed emissiuns da savur

Dapi divers onns porscha la claustra Son Jon era chombras per giasts e quai gist en vischinanza da la stalla sezza. Ord las chombras dals famegls èn vegnidas fabritgadas stanzas da vacanzas. Quest in argument dapli che argumentescha il fatg da fabritgar ina nova stalla «extra muros».

La dumonda da construcziun è vegnida inoltrada e sche tut funcziuna sco planisà duess la nova stalla ir en funcziun durant l’onn 2020.

Legenda: Guardar il video Claustra Son Jon a Müstair – Stalla extra muros. Durada 02:58 minutas.
Or da Telesguard dals 13.09.2019.

RR actualitad 17:00