Siglir tar il cuntegn

Header

video
Val Müstair vul era profitar dal «turissem da sanadad»
Or da Telesguard dals 29.06.2022.
laschar ir. Durada: 3 minutas 33 Secundas.
cuntegn

Müstair Hotel Helvetia daventa hotel da sanadad

A Müstair duai dar l’emprim hotel da sanadad da la regiun. Numnadamain investescha l’hotel Helvetia 6 milliuns francs. Previs è ina oasa da sanadad, sco Pierre-Renè Grond, il manader da l’hotel ha ditg envers RTR.

Uschia vegn fabritgada ina chasa annexa a l'hotel existent cun l’oasa. Planisadas èn abitaziuns da vacanzas, in sectur da wellness cun differentas saunas e bogns, e differentas localitads per fisioterapias e massaschas.

audio
Val Müstair: Hotel Helvetia daventa hotel da sanadad
ord Actualitad dals 29.06.2022.
laschar ir. Durada: 2 minutas 46 Secundas.

Collavuraziun cun Clinica Holistica

Per far quellas investiziuns vul i tenor Pierre-Renè Grond en prima lingia curaschi. A l’hotel gidia però er la bun’amicizia tranter la famiglia ed il president dal cussegl administrativ da la Clinica Holistica a Susch, Mattias Bulfoni. Numnadamain collavurescha la clinica en avegnir cun l'hotel Helvetia.

Pazients ch’èn bain guarids da lur burnouts ma betg anc pronts per turnar a chasa, survegnian la pussaivladad da far vacanzas da sanadad a Müstair. Cun il project innovativ, creescha la famiglia Grond, che maina l’hotel Helvetia en la quarta generaziun, var 12 novas plazzas da lavur en la Val Müstair. Sche tut va sco previs, duai il nov hotel da sanadad avrir sias portas l’onn proxim.

RTR novitads 6:00

Artitgels legids il pli savens