Radund 500 meters davent da la claustra, a Fradetsch duai vegnir fabritgada questa nova stalla per radund 40 vatgas. Ils purschels e la biestga percunter dastgan restar dadens las miraglias.
La claustra – patrimoni cultural UNESCO
La construcziun d’ina nova stalla en vischinanza da la claustra sezza n’avess betg gì schanzas, quai causa l’impurtanza architectonica ed archeologica. Ensemen cun las instituziuns pertutgadas han ins discutà differentas variantas ed è finalmain vegnì a la conclusiun d’allontanar la stalla cumplettamain dal object istoric.
Canera ed emissiuns da savur
Dapi divers onns porscha la claustra Son Jon era chombras per giasts e quai gist en vischinanza da la stalla sezza. Ord las chombras dals famegls èn vegnidas fabritgadas stanzas da vacanzas. Quest in argument dapli che argumentescha il fatg da fabritgar ina nova stalla «extra muros».
Sche tut funcziuna uss sco planisà – duess la nova stalla esser pronta durant l’onn 2020.
RR actualitad 17:00