Müstair - Pers in det

L'accident è capità a Müstair il mardi suentermezdi. L'um da 31 onns ha lavurà vid ina maschina da cola d'ina interpresa da products da palantschieu. Curt avant mezdi ha el vulì dischmetter ina tartagnada d'ina zulla rotanta. Latiers ha la zulla pudì trair viaden ses maun e stgarpà davent il det da l'anè. In'ambulanza ha transportà l'um en l'ospital regiunal e pli tard ha la Rega sgulà l'um en l'Ospital chantunal a Cuira.