Siglir tar il cuntegn

Header

In purtret da Mugisha Nicolay.
Legenda: Mugisha Nicolay è creschì si ad Ardez ma nat en l'Africa dil Sid a Bloemfontein. MAD
cuntegn

Mugisha Nicolay Rassissem exista era en il Grischun

Mugisha Nicolay da l’Engiadina raquinta co el resenta en il mintgadi rassissem e tge inscunters ch’èn schon tut capità ad el.

S'imaginai: Vus sesais giu en il traffic public dasper ina dunna pli veglia. Gest en quai mument prenda ella sia tastga dal sez dasperas tar ella e tegna quella fitg. Suenter curt temp stat ella sin pais. Ma betg per sortir dal tren ubain per seser en in auter lieu. È quai era schon capità a vus? Betg? Per Mugisha Nicolay tutgan da quellas scenas bunamain tar il mintgadi. Ma betg mo en il traffic public resenta il giuven da 20 onns rassissem.

Là nua ch'jau sent il pli fitg ch'jau vegn tractà auter è bunamain la polizia.
Autur: Mugisha Nicolayè naschì en l'Africa dil Sid

Pia, rassissem n’è betg mo in problem en l’America mabain era en il Grischun. Schegea che la situaziun saja vegnida meglra ils davos diesch onns, sco il vendider da charn di, sentian ins oz anc adina savens rassissem.

La pli gronda differenza na fan betg ils lieus ubain la vegliadetgna da la glieud.
Autur: Mugisha Nicolayabita dapi ch'el è set ad Ardez

Cunzunt glieud pli passada saja pli rassistica ch’ils giuvens, manegia Mugisha Nicolay ch’è cun set onns vegnì davent da l’Africa ad Ardez a star. Sa chapescha na munta quai betg che tuts sur 65 onns sajan rassists ed ils giuvens betg, agiunta Mugisha Nicolay.

RTR actualitad 08:00

Artitgels legids il pli savens

Scrollar a sanestra Scrollar a dretga