Siglir tar il cuntegn

Engiadina Muottas Muragl: In panorama sco or dil prospect

Davent da Muottas Muragl ins vesa ils quatter lais da l‘Engiadin’Ota: Il lai da Staz, il lai da San Murezzan, il lai da Silvaplauna ed il lai da Segl. Dentant quai n'e betg tut. Ins vesa era plirs glatschers. Per exempel il glatscher da Roseg e dal Morteratsch.

giauda la bella vista suenter la tura da l’alp Languard enfin a Muottas Muragl.
Legenda: Ursin Lechmann giauda la bella vista suenter la tura da l’alp Languard enfin a Muottas Muragl. RTR, Fabia Caduff
Jau vom regularmain per las muntognas, dentant uschè ina bella vista na datti savens.
Autur: Ursin LechmannRedactur RTR

Ina da las veglias funicularas

La funiculara da Muottas Muragl è ina da las pli veglias funicularas da la Svizra. Ella maina ils giasts dapi l'onn 1907 da Punt Muragl enfin Muottas Muragl sin in'autezza da 2448 meters sur mar. Per ch'ils giasts pon era giudair la saira a Muottas Muragl, va la funiculara enfin las 23:00 uras la saira. I dat era in hotel sin il culm, dentant per quel dovri la bursa gronda.