Muria da butias a San Murezzan

Discurrì vegnivi da 12 butias che ston serrar las portas a San Murezzan per motivs economics. Tranter questas butias da luxus ma era da quellas indigenas, per part cun lunga tradiziun. Retschertgas da Radiotelevisiun Svizra Rumantscha han dentant mussà : mo in quart da quellas butias serran propi.

San Murezzan Bild in Lightbox öffnen.

Legenda da maletgs: Las butias a San Murezzan cumbattan cun la situaziun economica RTR, D.Müller

Muria da butias a San Murezzan

2:14 min, Telesguard dals 15.4.2015

Ils commembers da la societad da commerzi e mastergn duain sviluppar ideas co animar ils indigens d’ir a far cumpras en vischnanca, en butias ch’èn dependentas da la clie

ntella indigena. Oz manca la sensibilisaziun, quant impurtant che quai saja, di l’actuar da la societad Andrea Matossi. E quai vulan ins midar.

Deliberà credit da 6’000 francs

La societad ha decidì unanimamain d’investir 6’000 francs en il project. Tut tenor tge ideas che vegnan sviluppadas po la summa vegnir adattada.

Ils resuns or da la radunanza èn stads tenor Andrea Matossi ordvart positivs. I saja bun da sensibilisar in e mintgin en vischnanca.

Lavur da plirs onns

Las gruppas da lavur cumenzan questa stad cun il svilup d’ideas. D’enviern duain las mesiras far effect. Per cuntanscher insatge dovri dentant segir plirs onns, uschè Andrea Matossi.