La desditga
Il dirigent ch'era 21 onns a la testa da la musica Concordia Müstair ha decis da passar. Ils motivs eran divers, dad ina vart la lavur sco mainagestiun da la scola da musica Engiadina Bassa Val Müstair, ma er il pensum sco dirigent. Ensemen cun il temp da la pandemia da corona ha quai gì enormas consequenzas per la musica, da 30 giu sin 12 musicantas e musicants.
Il return
La musica Concordia Müstair ha chattà in nov dirigent, ma cun el n'ha quai betg funcziunà propi bain, uschia ch'els han decis da dumandar puspè il vegl dirigent Roberto Donchi sch'el fiss pront da turnar.
Il vegl nov dirigent ha decis da turnar cun in nov concept, damain pretender, damain program.
Senza ina musica da vischnanca datti era damain giuvnas e giuvens che vulan emprender in instrument
Cun il return èn turnads divers, plinavant han giuvnas musicantas e musicants decis dad ir a musica. Oz quinta la musica Concordia Müstair 25 musicantas e musicants.