Siglir tar il cuntegn

Header

cuntegn

Musica Ramosch e Tschlin En tschertga da novas musicantas e musicants

Dapi l’onn 2019 na datti pli ina musica giuvenila, quella è però la basa per l’avegnir da las societads da musica.

Gist plirs motivs han chaschunà ina crisa. La musica giuvenila Valsot ha stuì serrar ses manaschi l’onn 2019 causa mancanza dad in dirigent. Gist suenter ha cumenzà la crisa da corona e cun quella han bleras musicantas e musicants bandunà las societads.

audio
Valsot: project da promuziun da novs musicants
ord Actualitad dals 06.12.2022. Maletg: RTR
laschar ir. Durada: 3 minutas 1 Secunda.

Questa situaziun n'han las musicas betg laschà valair. Musicantas e musicants da las duas musicas han elavurà in project.

Collavuraziun cun la scola da Valsot

Las musicas han envidà las classas da scola ad in di da portas avertas. Ensemen cun la magistraglia han ils uffants gì la pussaivladad dad empruvar a sunar in instrument e pitgar sin la battaria. Tenor Jachen Kienz, in dals iniziants, ha quella acziun gì success.

Il project prevesa ina collavuraziun stretga cun la scola da musica Engiadina Bassa Val Müstair che surpiglia la scolaziun dals uffants.

Animar anteriuras musicantas e musicants

Creschids senza experientscha, musicantas e musicants ch'han sunà avant onns in instrument duessan survegnir la pussaivladad dad emprender tras las scola da musica u era cun agid dals dirigents.

Quest project e vegnì inoltrà tar l’Uniun chantunala da musica. Las duas musicas Ramosch e Tschlin speran ch’els vegnan sustegnids finanzialmain. La decisiun da vart dal chantun è anc pendenta.

RTR actualitad 07:00

Artitgels legids il pli savens

Scrollar a sanestra Scrollar a dretga