La societad da musica Ramosch ha lantschà quest’onn in project da pilot. Causa ch'il dirigent aveva prendì congedi per in onn, han els engaschà in giuven musicant senza experientscha da diriger.
Per sustegnair il giuven musicant, han ins era engaschà in magister da musica, da la scola da musica Engiadina Bassa. Il profi instruescha il dirigent ed il dirigent maina la societad da musica. Il project custa tut en tut radund 8’000 francs.
Il coronavirus ha fatg in stritg
Amez il project ha il coronavirus sfurzà da chalar immediat, restà e mo il quint. La musica da Ramosch ha sin quai inoltrà tar l’Uniun svizra da musica ina dumonda per in sustegn finanzial e quels han signalisà da gidar.
Sche las musicas communalas dastgan anc quest onn cumenzar cun provas u betg, quai è anc betg cler. Ma per il president da la societad da musica Ramosch èsi evident, el spera da pudair terminar cun il project, sche betg quest onn, lura forsa il proxim onn da musica.