Nagin blessà - A Lavin ha ina chamona da pastur brischà
La dumengia da mezdi ha la Polizia chantunala survegnì l’alarm, ch’i brischia en il territori da Craistas a Lavin. Il fieu era rut ora en ina chamona da pastur.
Ils pumpiers da Zernez, ensemen cun in helicopter da la Heli Bernina hajan pudì impedir ch'il fieu piglia er il guaud, scriva la Polizia chantunala. E gidà hajan era intgins purs, ch'hajan transportà cun lur tractors tancs cun aua al lieu dal fieu.
La chamona è vegnida destruida dal tut tras il fieu. Persunas n'èn betg vegnidas blessadas. Las plantas donnegiadas dal fieu ha il servetsch forestal da Zernez pinà.
Legenda:
Las restanzas da la chamona da pastur en il territori da Craistas.
Polizia chantunala
