Star ensemen da cumpagnia, emprender texts e choreografias tut quai è stritgà. Oravant tut las preschentaziuns fissan ina sfida durant il temp da corona. Las gruppas da teater Ftan e Valsot han stritgà lur program per quest’onn, ma speran tuttina da pudair cumenzar. Dentant che Valsot ha decis da far quai dal 2022 han quels da Ftan anc laschà avert la decisiun. Forsa dettia insatge spontan durant la stad.
Ils teatrists deploreschan la situaziun ma han la chapientscha. Il s’inscuntrar è ina impurtanta part sociala quai conferman omaduas gruppas da teater. Gist ils teaters laics attiran mintga giada ina massa d’aspectaturas ed aspectaturs. La vita culturala stat actualmain saldà, nagina musica, nagin chant e nagin teater.