Engiadina - Nagina via sin l’alp Rifair en Val Müstair
En la Val Müstair na po la via planisada sin l'alp taliana Rifair che va permez in biotop da cots selvadis betg vegnir construida. Quai ha decis la dretgira administrativa grischuna e dà raschun a las organisaziuns da l'ambient.
La regenza grischuna aveva approvà la via da 1,8 kilometers sin l'alp sco la suletta varianta. Tenor la dretgira administrativa è il mantegniment dal guaud ed uschia il mantegniment dal cot selvadi da valitar pli aut che l'access cumadaivel ad ina pitschna alp.
