Siglir tar il cuntegn

Engiadina Nagins derbis engiadinais pli

Il fatg che il CDH Engiadina gioga questa stagiun en la 3 liga ha per consequenza che ils puncts culminants, numnadamain ils derbis cun San Murezzan, mancan.

giug da hockey
Legenda: In purtret ch'ins vesa betg questa stagiun. L'EHC San Murezzan en il derbi encunter il cdh Engiadina RTR, D.Spinnler

Entant che San Murezzan na ha pli nagin partenari da derbi, è per Scuol quasi mintga gieu in derbi. E clar è per il president Marco Ritzmann, uschè clar sco cha blers pensan na vegnan ils resultats dals gieus ad esser uschè clars. Finamira da mintga club en 3 liga vegn ad esser da batter quel club che vegn da la 2 liga.

San Murezzan na pudeva gudagnar nagins giugaders da Scuol per sai

Malgrà diversas dumondas davart da San Murezzan, vul mo in dals giugaders dal club da hockey Engiadina midar club. Quai or da motivs persunals di Marco Ritzmann. Per ils auters era dentant clar – giugar a hockey tal club Engiadina è ina chaussa dal cor. In fatg impurtant per il club, cuassa che il cader è betg fitg lartg.

San Murezzan na pudeva numnadamain betg profitar dal fat che Engiadina gioga en 3 liga questa stagiun. Era els ston ussa promover anc pli fitg ils giugaders giuvens.