Trais dunnas – Kathrin Pfister, Renata Fulcri e Regula Bücheler – han tuttas badà avant trais onns, ch'i manca uschè ina plattafurma centrala. Tuttas trais dunnas han experientscha en la furmaziun ambientala, mo era sco manadras d’excursiun. Perquai han ellas trais fundà la societad «Naturlernen» che tegna actual uschia ina plattafurma en l'internet.
L'intenziun da questa plattafurma è che persunas d’instrucziun chattan la dretga instrucziun u gita per lur classa ubain per lur gruppa.
80 curs ed excursiuns
Suenter 3 onns èn uss bundant 80 purschidas online. Ina da quellas purschidas cun il titel «Wassererlebnis» duai transmetter il tema aua e flums a las classas, uschia per exempel er als scolars e las scolaras dal stgalim aut da Samedan. Els han manà atras quest curs cun Regula Bücheler, e Jan Sedlacek da la fundaziun Pro Terra Engiadina.
Impressiuns dal curs experientscha d'aua
-
Bild 1 von 7. Ils scolars e las scolaras dal stgalim aut da la scola da Samedan durant l’instrucziun da Jan Sedlacek. Bildquelle: RTR.
-
Bild 2 von 7. Scriver ils resultads e masirar la temperatura da l'aua. Bildquelle: RTR.
-
Bild 3 von 7. Tschertgar insects cun ina rait. Bildquelle: RTR.
-
Bild 4 von 7. Regula Bücherer declera, sco ch'ins legia la temperatura da l'aua. Bildquelle: RTR.
-
Bild 5 von 7. Mesiraziuns per chattar ora, quant svelt che l'aua cula. Bildquelle: RTR.
-
Bild 6 von 7. Scriver si adina bain ils resultats – quai tutga vitiers. Bildquelle: RTR.
-
Bild 7 von 7. Tge insect mussa, sch'il flum è saun? Questa tabella mussa quai. Bildquelle: RTR.
Ils scolars han emprais, tge insects en il flum inditgescha aua netta e tgenins ch'inditgeschan aua da nauscha qualitad. Ma era la sveltezza dal flum era in tema.
Nus avain pudì mesirar la spertadad dal Flaz ed avain emprendì che questa sveltezza portia la glera fina en auters lieus.
Per Jan Sedlacek è la plattafurma cun ils curs da natira ina grond'agid. Dad ina vart na ston els betg pli far gronda reclama per in curs singul. Da l'autra vart porta la plattafurma era dapli glieud che s'interessa per ils curs.