Siglir tar il cuntegn

Header

cuntegn

Engiadina Nettegiada da primavaira per il lai da Segl

L’ambient e la natira en vischinanza dal lai da Segl duessan restar intact betg mo per ils pestgaders, mabain oravant tut per ils giasts che visitan quest lieu.

Mintg’onn il matg s'inscuntran els a la riva dal lai. En maun in bastun ed in satg da rument. Radund 20 pestgaders sa participeschan a l’acziun. Dapi passa 40 onns vegn organisà quest di da custodi. Els chattan da tutta sort rument, oravant tut filters da cigarettas, tastgas da plastic, buttiglias da crema da sulegl e bler auter.

audio
Bunura: Nettegiada da primavaira al lai da Segl
02:12 min, Actualitad dals 08.05.2017.
laschar ir. Durada: 02:12 minutas.

Ils pestgaders da la regiun dal pli giuven enfin il pli vegl sa participeschan. Per els èsi impurtant che l’ambient enturn il lai resta intact. Il lai da Segl è in’attracziun per ils giasts, e quels duessan chattar ina natira intacta senza rument enturn il lai.

Il matg, adina cur che l’aua è pli bassa è il temp ideal per far quest’acziun. Radund trais uras dura ella e lura vegnan ils pestgaders ensemen en l’ustaria per raquintar e star in zichel da cumpagnia. Era quai tutga tar l’usanza.

RR actualitad 08:00

Artitgels legids il pli savens

Scrollar a sanestra Scrollar a dretga