Siglir tar il cuntegn

Header

cuntegn

Engiadina Nov Bistro temporar a la staziun da San Murezzan

La Viafier retica ha decis da duvrar ina part da l’areal da staziun per installar in café. Quai fin che la strategia da svilup è pronta per San Murezzan. Il restaurant en furma d’in Quadrin saja previs per ils proxims 5 onns, scriva la retica en ina communicaziun a las medias.

Fin ch’igl è decis definitivamain tge ch’ins vul far precis sin la part ost e vest da l’areal da staziun a San Murezzan ha la Viafier retica uss decis da duvrar quellas per in café sin dus plans cun ina terrassa e balcun.

Nova butia da Migrolino

Questa stad vegn er fabritgà enturn il spurtegl da bagaschas en localitads da vendita. Il deposit per las valischs a la staziun da San Murezzan vegn spustà en las localitads dal Kiosk respectivamain dal Express-Buffet existent.

Tenor la communicaziun da la Viafier retica cumenzan las lavurs la fin da la stad 2018. Las localitads da la nova butia duain esser prontas per Nadal. Fittadin da quella vegn ad esser la dita Migrolino, ch'è fin uss preschenta en Engiadina cun in’unica butia a Samedan.

RR novitads 17:00

Artitgels legids il pli savens