Siglir tar il cuntegn

Engiadina Nov concerts cun musica classica al Engadin Festival 2017

Corifeas sco l’oboist da l'orchester filarmonic da Berlin Albrecht Mayer u il pianist Grigory Sokolov concerteschan tranter ils 29 da fanadur ed ils 12 d'avust 2017 en Engiadin'Ota.

Il placat cun il program da l'Engadin Festival
Legenda: L'Engadin Festival cun in vast spiert da musica classica. MAD

L'emprima ediziun da l'Engadin Festival hai dà il 1941. Quella giada aveva quel anc num «Engadiner Konzertwochen». En il decurs dals onns hai dà adina dapli festivals e la concurrenza è daventada pli gronda. Differents novs festivals èn vegnids iniziads e pli tard puspè svanids, ma l’Engadin Festival ha survivì.

Concert d'avertura cun Albrecht Mayer

Il concert d’avertura cun il solo-oboist Albrecht Mayer, accumpagnà dal Hungarian Symphony Orchestra ha lieu sonda saira, ils 29 da fanadur a Puntraschigna en il Rondo.

RR actualitad 07:00