L’idea da scriver in crimi ha la magistra Valentina Parolini gì suenter in discurs interessant cun ses scolars e sias scolaras a la scola a Cuvlignas nua che la Samedrina lavura.
Els eran da l’avis che ozendi na legian ils giuvenils betg pli gugent e che leger saja insumma lungurus!
La magistra da 30 onns ha sin quai decis da scriver sezza in crimi per giuvenils per motivar els da leger. In crimi puter che gioga en in vitg muntagnard. La lavur da scriver haja gidà ad ella surtut durant il temp da corona ed isolaziun, uschia la Samedrina cun ragischs talianas.
Legenda:
L'autura dal nov crimi rumantsch
MAD
La vernissascha dal cudesch «La melodia da la gïa» ha lieu ils 21 d’avust 2022 a las 17:00 en la Chesa Planta a Samedan.