Siglir tar il cuntegn

Engiadina Nov directur per Biosfera Val Müstair

La suprastanza communala e la cumissiun strategica da la Biosfera han elegì Ulf Zimmermann sco nov directur dal parc da natira Biosfera Val Müstair.

Ulf Zimmermann
Legenda: Ulf Zimmermann cumenza la fin da questa stad sco nov directur da la Biosfera Val Müstair. mad

Ulf Zimmermann ha 44 onns e lavura actualmain tar l'institut per cuntrada e spazi liber da la scol'auta per tecnica a Rapperswil. La suprastanza communala ha elegì Zimmermann tranter 15 candidaturas sin proposta da la cumissiun strategica da la Biosfera.

Ulf Zimmermann ha studegià scienzas forestalas a Minca. El viva dapi 13 onns en Svizra, è maridà e bab dad in uffant. Zimmermann vegn ad abitar en Val Müstair cun sia famiglia. El cumenza sia nova incumbensa sco manader da gestiun da la Biosfera vers la fin da la stad 2015.