Siglir tar il cuntegn

Engiadina Nov directur per Bregaglia Turismo

Bregaglia Engadin Turismo ha suenter sis mais puspè in directur. Sco quai che l’organisaziun turistica communitgescha succeda Serge Alder a Michael Kirchner sco nov manader da fatschenta.

Serge Alder che succeda a Michael Kirchner sco nov directur da Bregaglia Turismo.
Legenda: El è il nov directur da Bregaglia Engadin Turismo. Bregaglia Engadin Turismo

La decisiun è tratga. Serge Alder daventa a partir dals 1 schaner 2019 nov directur da Bregaglia Engadin Turismo. Alder ha 31 onns, deriva oriundamain da Schlarigna ed ha lavurà ils ultims 5 onns tar San Murezzan Turissem en la partiziun sport e cultura.

Manar vinavant la Bregaglia

Tenor Bruno Pedroni, president da la cumissiun turistica, giaja a fin ina tschertga ch'ha durà pli ditg che spetgà. Dentant han ins gronda speranza ch’il giuven da 31 onns sappia dar novs impuls turistics a la regiun. Quai oravant tut grazia a sia experientscha e sia gronda rait da contacts.

Gist in onn suenter la catastrofa a Bondo haja la regiun numnadamain nair basegn da novs impuls, uschia Pedroni.

Sco i vegn communitgà enavant haja era l’Engiadinais grondas aspectativas. Uschia vuless Alder metter vinavant grond pais sin las occurrenzas enturn il festival da chastognas, dentant era promover novas purschidas sco per exempel occurrenzas da sport. Impurtant saja tenor el simplamain che la Bregaglia na perdia betg sia identitad.

RR novitads 15:00