Siglir tar il cuntegn

Header

cuntegn

Nov furnitur d'energia S-chanf e Zernez han surpiglià la rait electrica

S-chanf e Brail, ina fracziun da Zernez, han en avegnir la forza da las Ovras electricas d’Engiadina – fin ussa era quai da la Repower.

Dal 1957 è S-chanf vegnì ina vischnanca concessiunaria da las Ovras electricas d’Engiadina, causa che quels retiran l’aua da lur territori. Cun quai han els il dretg sin forza concessiunada e pli bunmartgada, ma fin ussa d’era la Repower il furnitur da la forza per S-chanf e Brail.

Ussa han omaduas vischnancas, numnadamain S-chanf ed era Zernez per la fracziun Brail, surpiglià la rait da la Repower e retiran en avegnir la forza electrica da las Ouvras electricas d’Engiadina.

Il midament dal furnitur da forza ha gì lieu la notg dals 12 sin ils 13 da schaner 2021. Da mesanotg han ins interrut la lingia da la Repower e tatgà vi da quella da las Ovras electricas d’Engiadina.

audio
S-chanf e Zernez han surpiglià la rait electrica
02:43 min, Actualitad dals 12.01.2021.
laschar ir. Durada: 02:43 minutas.

S-chanf ha investì radund 6 milliuns francs per surprender la rait e cun quai pudair profitar da la forza concessiunada e pli bunmartgada da las Ovras electricas d’Engiadina.

RTR actualitad 12:00

Artitgels legids il pli savens

Scrollar a sanestra Scrollar a dretga