L’ospizi sin il pass da l’Alvra è vegnì fabritgà l’onn 1862. El era dentant gia pli baud in'ustaria cun stanzas da durmir. Il 2015 ha la vischnanca da La Punt Chamues-ch cumprà l’ustaria per restaurar quella en ina moda e maniera moderada perquai che bler n’era betg pli confurm al temp.
Renovaziun da l'ospizi
Ils 30 d’october 2018 ha il stemprà «Vaia» destruì l’ospizi, l’alp e quatter pitgas d’auta tensiun. Il december 2020 ha la populaziun da La Punt Chamues-ch decidì da renovar e fabritgar da nov la chasa – ed uschia deliberà cun 61 cunter 5 vuschs in credit da 3,9 milliuns francs. Las lavurs per il nov bajetg han cumenzà la primavaira da l'onn passà. Questa fin d’emna han ils novs fittadins avert las portas da l'ospizi uffizialmain.
Ils mirs vegls e la stiva veglia da schember èn vegnids renovads, il rest è nov: Ina nova serenaziun, in nov stgaudament, ina nova cuschina e 10 novas stanzas. Radund 170 persunas èn vegnidas ad inaugurar il nov ospizi – il bunder ed il plaschair eran gronds – e la festa da l’inauguraziun grategiada.
