Siglir tar il cuntegn
Inhalt

Engiadina Nov vehichel da pumpiers sin binaris

La Viafier retica (VR) ha fatg tests en il Puschlav cun ina nova generaziun da vehichels da pumpiers, che pon traffitgar sin binaris sco era sin via.

Legende: Video Vehichel da pumpiers per binaris e vias abspielen. Laufzeit 01:11 Minuten.
Or da RTR dals 06.07.2016.

La VR è obligada da tener vi da pretaisas da la confederaziun. Quella pretenda che la viafier sto garantir ina tscherta segirezza sin tut la rait da la Retica. Per far quai sto investir la VR en sis vehichels d’intervenziun che funcziuneschan sin ils binaris e sin via.

Custs da radund 6 milliuns francs

L’interpresa svizra, Müller Tecnologie, ha survegni l’incumbensa da sviluppar e da furnir quests vehichels. L’emprim è ussa pront per vegnir surdat als pumpiers da Puntraschigna.

Tests finals

Avant la surdada han ins fatg anc ils ultims tests sin la stritga dal Bernina. Quai causa la gronda pendenza da radund 70 ‰. Ils tests han satisfatg ils responsabels da la VR, ils pumpiers ed era ls responsabels da l’interpresa Müller.

Co vinavant?

La VR posseda gia dapi 15 onns sumegliants vehichels al tunnel dal Vereina e da l’Alvra. Cun ils ulteriurs sis possedass la VR 10 che vegnan staziunads a Samedan-Puntraschigna, Bravuogn-Filisur, Claustra, Zernez, Glion, Arosa, Poschiavo ed a Tusaun.

Datas tecnicas

  • la maschina po transportar 9 pumpiers (2 davant)
  • pais vid 11,5 t (chargia utilisabla 2,5 t, pais total 14 t)
  • sveltezza maximala sin via 80 km/h, sin binari 40 km/h, tar pendenzas da 70 ‰ 20 km/h
  • il motor da diesel ha ina prestaziun da 250 PS / 184 kW