-
Bild 1 von 3. La via da glatsch è pronta per ils giasts. Bildquelle: GLATSCHIN.
-
Bild 2 von 3. Il martgà da Nadal dal GLATSCHIN. Bildquelle: GLATSCHIN.
-
Bild 3 von 3. Avertura dal GLATSCHIN cun las patinadras artisticas da San Murezzan. Bildquelle: GLATSCHIN.
Durant ils mais december enfin favrer na duai il nov parc d’enviern «GLATSCHIN» betg mo procurar per ina buna atmosfera d’enviern, mabain era vegnir il nov center da scuntrada per giast ed indigen, giuven e vegl.
L’idea per ina tala purschida exista atgnamain gia dapi in onn e mez. Pervia dals campiunadis mundials da skis a San Murezzan han ins dentant decidì da spustar la realisaziun da quest project sin questa stagiun d’enviern.
Al cumenzament regiva però era sceptica envers quest’idea
Per dubis ha al cumenzament cunzunt procurà ch’ins temeva ch’ina tala purschida muntass la fin dal martgà da Nadal tradiziunal a San Murezzan e chaschunass cunquai era per damain frequenzas en il center da la vischnanca.
La sceptica è tenor ils mainaprojects dentant svanida. Oravant tut perquai che la societad da vischnanca, che organisescha il martgà da Nadal tradiziunal ha sin reacziun da diversas persunas decidì da cuntinuar cul martgà era en l'avegnir. Simplamain en ina furma pli pitschna.
Ils organisaturs, la societad privata «GLATSCHIN», spera ussa sin ina buna partenza. Sper il sustegn finanzial da la societad da cura, l’organisaziun turistica e la vischnanca decida surtut il success sco tal sch'ils custs da radund 400’000 francs possian alura era vegnir cuvrids.