La nova basa da mantegniment dal chantun Grischun sin il Pass dal Bernina porscha locals da deposit, in’ufficina, in silo da sal e glera e duas abitaziuns da dus e mez stanzas per ils collavuraturs. In’investiziun da total prest 10 milliuns francs.
Resguardà la cuntrada particulara
Il lieu da la basa per il mantegniment da las vias sa chatta sin l'intschess d'in dals 12 patrimonis mundials culturals da la UNESCO en Svizra ed è il resultat d'ina concurrenza da projects realisada finalmain entaifer 16 mais.
-
Bild 1 von 7. Il bajetg che dat en egl cun passar sur il Pass dal Bernina. Bildquelle: RTR, Armon Schlegel .
-
Bild 2 von 7. Object bain integrà en la cuntrada, uschia l'architect. Bildquelle: RTR, Armon Schlegel .
-
Bild 3 von 7. La basa cun fatscha concava ed il silo per sal e glerra. Bildquelle: RTR, Armon Schlegel .
-
Bild 4 von 7. La nova basa da mantegniment dal Chantun. Bildquelle: RTR, Armon Schlegel .
-
Bild 5 von 7. Il silo per sal e glerra, sisum è la camera obscura. Bildquelle: RTR, Armon Schlegel .
-
Bild 6 von 7. La cuntrada enturn la nova basa vegn spievlada en la camera obscura. Bildquelle: RTR, Armon Schlegel .
-
Bild 7 von 7. La nova basa da mantegniment duai garantir vias libras durant tut onn. Bildquelle: RTR, Armon Schlegel .
La fatschada ondulada en betun natiral ed il silo liber defineschan da nov quest lieu sper la via dal Pass dal Bernina curtamain avant ses culm. Tut ils locals che sa chattan davos la fatschada ondulada èn cuvrids cun terra. La cuvrida cun terra restabilescha la topografia pregnanta.
La via chantunala sur il Pass dal Bernina vegn mantegnida e tegnida averta tut onn dapi il 2005. Per garantir il mantegniment dal traject er durant l’enviern, ha il Chantun decis d’investir en localitads pli grondas e pli adattadas.
Camera obscura – potenzial turistic
Sco attracziun accessibla a la publicitad pon visitadras e visitaders scuvrir – durant ils mais da stad – la cuntrada ord la perspectiva speziala da la camera obscura che sa chatta sin il silo. La furma originara da la camera obscura – cun ina simpla fora en la paraid – permetta al contemplader da pertschaiver la projecziun tut speziala dal massiv dal Cambrena e dal Bernina en l'intern cilindric da la camera. La camera obscura ha pudì vegnir realisada grazia a contribuziuns d'instituziuns privatas e publicas.
RR novitads 12:00