Siglir tar il cuntegn
Inhalt

Engiadina Nova CEO per la Clinica Gut

Anke Senne è la nova mainagestiun da la gruppa Clinica Gut. Ella succeda ad Adrian Urfer

Adrian Urfer ed Anke Senne
Legenda: Adrian Urfer (san.) ed Anke Senne (dretg) Clinica Gut

Anke Senne è actualmain la directura da finanzas da la Clinica Gut. Ella surpiglia las incumbensas da mainagestiun dal CEO actual Adrian Urfer il prim da december. Quai communitgescha la Clinica Gut. Urfer resta schefmedi da la gruppa grischuna da clinicas privatas e delegà dal cussegl administrativ. La clinica saja daventada adina pli gronda ed uschia na saja quai betg pli pussaivel per il schefmedi dad era anc obtegnair las incumbensas da mainagestiun.

Anke Senne ha 53 onns ed è dapi 12 onns commembra da la direcziun da la Clinica Gut. Ella saja fitg bain qualifitgada per il post sco CEO, di il president dal cussegl administrativ, Felix Ammann.