Nova chascharia en Val Müstair

Tut las suttascripziuns da chantun e Confederaziun èn sin maisa. La societad Agricultura jaura po cumenzar cun la construcziun dad ina nova chascharia. Quella è ina part dad in project da svilup regiunal PRE.

plan Bild in Lightbox öffnen.

Legenda da maletgs: Ina chascharia moderna en Val Müstair. La construcziun po cumenzar RTR/Armon Schlegel

Sper la chascharia nova duai anc dar in local per mazzar ed elavurar charn ed in local per elavurar graun. Tut las trais parts dal project da svilup regiunal vegnan a custar radund otg milliuns francs. La chascharia nova è la pli gronda part dal project e custa radund quatter milliuns francs. Sper subvenziuns da chantun e Confederaziun ha era il Padrinadi per regiuns da muntogna dal Coop sustegnì la nova chascharia.

Inauguraziun l'atun 2018

La construcziun da la nova chascharia duai esser terminada en in onn. L'october 2018 quinta il president communal da la Val Müstair, Rico Lamprecht, da pudair inaugurar la chascharia. La chascharia actuala na correspunda betg pli a las pretensiuns dad oz.

Las ulteriuras parts dal project da svilup regiunal èn en planisaziun. La societad Agricultura jaura sto era anc segirar la finanziaziun dal nov local per mazzar ed elavurar charn e dal local per elavurar graun.

RR actualitad 12:00