Siglir tar il cuntegn

Engiadina Nova direcziun per l'Institut Otalpin

A partir da l'october surpiglian Ursula e Beat Sommer la direcziun dal gimnasi en Engiadina Bassa. Elisabeth Steger Vogt ha decidì da bandunar l'institut.

Ursula Sommer, Beat Sommer, Jon Peer, Elisabeth Steger Vogt ed Ursula Fraefel.
Legenda: Ursula Sommer, Beat Sommer, Jon Peer, Elisabeth Steger Vogt ed Ursula Fraefel. RTR, Georg Luzzi

Elisabeth Steger Vogt ch'ha manà l'Institut Otalpin Ftan durant la fasa da restructuraziun ha decidì da bandunar il gimnasi en Engiadina Bassa e s'orientar professiunalmain da nov. Quai ha l'institut communitgà la gievgia a Ftan avant las medias.

A partir da l'october surpiglian Ursula e Beat Sommer la successiun da Steger Vogt – el sco CEO ed ella sco manadra da la partiziun communicaziun ed admissiun. Il pèr maridà è stà engaschà ils ultims quatter onns en posiziun da cader per la Swiss International School a Dubai. Dal 2005 fin il 2014 han Ursula e Beat Sommer manà il Lyceum Alpinum Zuoz.

RR novitads 17:00