Siglir tar il cuntegn

Header

cuntegn

Nova discussiun Colliaziun da tren tranter Scuol e Mals

Il president dal Tirol dal Sid ha lantschà da nov la discussiun davart ina colliaziun da tren tranter Scuol e Mals. Ins saja pront da vegnir encunter a la Svizra tar la finanziaziun dal project ed i dettia era las maioritads politicas necessarias.

Adina puspè vegn discurrì da la colliaziun da tren tranter l'Engiadina ed il Vnuost/Vinschgau. Questa giada sajan las schanzas dentant bunas ch'i pudess gartegiar da realisar il project. L’economia ed il turissem sajan en in boom e la colliaziun da tren tranter l’Engiadina ed il Vnuost purtass bler tant al Tirol dal Sid sco era a la Svizra. Quai di Arno Kompatscher en in’intervista cun la «Südostschweiz am Wochenende». Perquai saja ussa impurtant da crear ina basa solida e da lavurar ensemen vi d’ina visiun globala.

Ed era l’expert da turissem, Hans Peter Danuser sustegna il project. Il Tirol dal Sid saja in vischin attractiv per l’Engiadina ed il Grischun. Ins stoppia nizzegiar ses grond potenzial.

Sco proxim pass veglian ins ussa furmar in nov comité d’acziun.

Ord l'archiv

video
Ina viafier sur il Reschen
Or da Giuventetgna dals 03.09.2018.
laschar ir. Durada: 1 minuta 2 Secundas.

RR novitads 06:00

Artitgels legids il pli savens