Siglir tar il cuntegn
cuntegn

Engiadina Nova lingia da bus sur Pass d’Alvra

Il AlbulaBUS cursescha davent dals 20 da zercladur enfin ils 2 d’october, mintgamai sin dumonda. Il bus na vegn betg finanzià cun daners publics, el duai vegnir finanzià entras la vendita da bigliets. In bigliet per in creschì custa 15 francs, ed in bigliet per uffants 8 francs.

Il AlbulaBus
Legenda: Il AlbulaBus cursescha da stagiun auta 2 giadas al di, da stagiun bassa 1 giada mad

Project da test

La nova purschida saja in test nua ch’i vegnia evaluà, sche l’interess saja avunda grond per in manaschi a lunga vista, han declerà ils responsabels da La Punt Chamues-ch. La Punt vacanzas porta sper il Parc Ela, Bravuogn Filisur Turissem e l’uffizi da traffic Grischun er in quart da la garanzia da deficit per il bus.

Sche las frequenzas dal bus sajan cuntentaivlas, vegnia evaluada l’opziun da daventar commember l’onn 2016 da l’uniun Bus Alpin, che ha differentas lingias da bus en l’entira Svizra.