Siglir tar il cuntegn

Engiadina Nova manadra pedagogic-academica al «Insti» a Ftan

Lucia Morandi è la nova co-rectura e manadra pedagogic-academica da l'Institut Otalpin a Ftan.

Lucia Morandi, scolasta a l’Institut Otalpin Ftan.
Legenda: Lucia Morandi lavura dapi var 2 onns tar l’Institut Otalpin Ftan. mad

Il cussegl d'administraziun ha elegì la pro-rectura d’enfin ussa en quest post. Morandi instruescha dapi il 2013 en l'institut, ed è dapi l'avust 2014 la pro-rectura. Ensemen cun Stefan Prebil sco manader administrativ furma Lucia Morandi la direcziun. Prebil era vegnì elegì a la radunanza generala extraordinaria.

Il cussegl administrativ dal IOF è persvuas che Morandi è qualifitgada per il post e puntuescha l'experientscha ed enconuschientschas da Morandi sur da l'Institut Otalpin a Ftan, scriva l'Agentura da novitads rumantscha ANR.

Plinavant communitgescha il cussegl d'administraziun dal IOF, che la scolasta Aita Stupan surpiglia la partiziun da la scola secundara stgalim 1 - ed ulteriuras incumbensas spezialas da la direcziun pedagogica. Stupan è scolasta da secundara al IOF dapi quest onn da scola.

RR Novitads 12:00