Siglir tar il cuntegn

Header

audio
Ina nova pensiun d'animals a La Punt Chamues-ch
Or da Actualitad dals 11.02.2022.
laschar ir. Durada: 2 minutas 53 Secundas.
cuntegn

Nova pensiun d'animals Animals duain pudair far vacanzas en Engiadin'Ota

A Ramosch en Engiadina Bassa datti actualmain ina pensiun d’animals. Er en Engiadin’Ota saja la dumonda però gronda, di Sabina Cloesters da Schlarigna. Perquai è l’idea d’ina pensiun d’animals a La Punt Chamues-ch vegnida pli concreta il november passà, nua ch'è vegnida fundada la societad «Aivlas».

Chattar in lieu adattà

Las tschintg suprastantas e suprastants da la societad han lura evaluà differents lieus pussaivels en la vischnanca da La Punt Chamues-ch ed er inoltrà quels a l’uffizi da svilup dal territori chantunal (UST).

La pensiun d’animals duai sa chattar en ina zona industriala en in lieu in pau expost, nua che la canera dals animals na disturba nagin.
Autur: Sabina Cloesters suprastanta societad «Aivlas»

L’UST pretenda d’includer il project en la planisaziun locala da la regiun Malögia. Uss vai pia per survegnir il sustegn da la regiun, avant che survegnir glisch verda.

Project privat

Per il project da la pensiun d’animals èn prevesids custs da var 3 milliuns francs. Quels duain vegnir finanziads tranter auter da donaziuns privatas, uschia Sabina Cloesters. Quai duai numnadamain betg dar in project regiunal, mabain in project sin basa privata.

En in proxim pass vai per chattar novas commembras e commembers, ed era per schliar la part administrativa fin la fin da quest onn. La finamira è da pudair cumenzar cun la construcziun la primavaira dal 2023.

RTR actualitad 12:00

Artitgels legids il pli savens

Scrollar a sanestra Scrollar a dretga