Ina gruppa d'acziunaris indigens ha cumprà l'hotel Staila a Tschierv. Quai pervia ch’ils manaders actuals van en pensiun ed il possessur ha vulì vender l'hotel. La gruppa d'indigens ha fundà ina societad d'aczias aposta per la cumpra da l'hotel. Uschia han els vulì impedir che l'hotel serria las portas.
Hotel da 3* po render
Tant ils hoteliers partents sco era ils possessurs novs èn persvadì ch’in hotel da 3 stailas po avair success en Val Müstair. Ils hoteliers che van en pensiun han redublà il dumber da pernottaziuns da 2’000 sin 4’000 pernottaziuns. Ils novs possessurs sbassan ils pretschs per pernottaziuns per passa 10%. Quai per cumbatter la concurrenza vischina en il Tirol dal Sid.
audio
Mezdi: Grazia ad indigens resta il hotel Staila a Tschierv avert
ord Actualitad dals 24.03.2015.
laschar ir. Durada: 4 minutas 13 Secundas.