Il nov traject ha ina lunghezza da 5,3 km e cuntanscha sin la Motta Biaca il punct il pli aut cun 2’480 meters sur mar. Dal tut n’è la via dentant anc betg pronta. Las ultimas lavurs duain vegnir finidas proxim onn.
audio
Saira: Dapli da la nova ruta per bikers tranter Livigno ed il Bernina
ord Actualitad dals 17.07.2015.
laschar ir. Durada: 3 minutas 31 Secundas.
Custs da 100'000 francs
La mesadad dils custs per realisar la nova senda per bikers ha purtà il chantun Grischun. L’autra part dils 100’000 francs han las regiuns partì si cun trais.
Uschia èn las trais destinaziuns da bikers – Alta Rezia, Valposchiavo, Livigno e l’Engiadin’Ota - colliadas cun in nov “Slow-Trail”.
Il siemi resta
Il giavisch da colliar la regiun da Livigno cun l’Engiadina tras in tunnel da tren u per autos è anc adina actual. Sco ch’il president communal da Livigno ha ditg ad RTR, hajan lur autoritads inoltrà in ulteriur project en quella direcziun.