Las bibliotecas en Val Müstair èn unidas. A Valchava è vegnida fundada la «Società Bibliotecas da la Val Müstair». Quell'ha sco finamira d'unir en in'organisaziun tut las bibliotecas publicas da documentaziun e da garntir la tgira dad archivalias da differentas instituziuns en la Val Müstair.
Trais instituziuns
La «Società Bibliotecas da la Val Müstair» cumpiglia la Biblioteca Jaura e las secziuns d’archiv da la biblioteca da chapütschins da Müstair e la biblioteca da la Fundaziun Pro Clostra San Jon. La nova constellaziun pussibilitass tenor communicaziun perfin d'integrar autras collecziuns archivalas e documentaziuns che pertutgan la Val Müstair. Sco emprim president è vegnì elegì Jürg Goll.