Siglir tar il cuntegn

Header

cuntegn

Engiadina Novas attracziuns en la regiun Bernina

La societad Bernina Glaciers sa cumpona or da Puntraschigna turissem, la Engadin St.Moritz Mountains SA, la Viafier retica, la societad Giardino dei Ghiacciai Cavaglia, la Repower SA e la destinaziun da turissem Val Puschlav. Finamira è da coordinar meglier las purschidas en la regiun Bernina.

Ils miraculs da la natira, products ed infrastructuras en la regiun Bernina duain vegnir inscenads da nov tenor basegns dals giasts. Vi da quai lavura la societad Bernina Glaciers ensemen cun differents partenaris sco las vischnancas ni hoteliers.

Tuts duai gidar a sviluppar novas ideas e realisar questas. La societad furma la basa legala per tegnair ensemen tut las gruppas dad interess.

audio
Bunura: Diavolezza – nova plattafurma panoramica e via da glatscher
ord Actualitad dals 02.07.2015.
laschar ir. Durada: 2 minutas 54 Secundas.

Avert 2 novas attracziuns

In resultat da la lavur da la societad è la nova plattafurma panoramica sin la Diavolezza. In construct che da la pussibilità da vegnir in zic pli manaivel a la gruppa da muntognas dal Bernina.

«La plattafurma sezza n' è betg extrem spectaculara, ma ella è absolutamain necessaria»

Quai di Markus Meili, manader da gestiun da la Engadin St.Moritz Mountains SA.

In attracziun che duai vegnir vendida sco pachet cun la plattafurma è la via da glatscher Morteratsch ch' è vegnida concepida danov cun pliras pussaivladads d’emprender novas chaussas davart il glatsch da glatschers. Quai per exempel cun in quiz per uffants ed ina guida auditiva. Accumpagnà vegnan tut las novas purschidas en la regiun Bernina d’ina applicaziun per il telefonin che stà a disposiziun en 3 linguas. Tudestg, Talian ed Englais.

Artitgels legids il pli savens