Novas istorgias dals Rebels

La gruppa da rock engiadinaisa Rebels ha edì ses segund disc cumpact. Il batten da lur nov’ovra « Istorgias » vegn festegià a Zernez sin il bain puril dal chantadur principal dals Rebels, Flurin Bezzola.

Ils Rebels Bild in Lightbox öffnen.

Legenda da maletgs: Ils Rebels mad

Dapi lur album da debut l’onn 2012 cun «Sulet», s’han Andi Juon, Julian Caduff e Flurin Bezzola sviluppads enavant. La nov’ovra dals Rebels sa differenziescha er da l’ultim album «Cur cha stun sü» e cuntegna er versiuns da cover.

Rinforzament d’ina dunna

Tut ils texts e las melodias vegnan da Flurin Bezzola sez. Nov fa part dals Rebels er la ghitarrista Catherine Fischer. Per ils tuns pli spezials cun l’accordeon è Paulin Oswald responsabel.

Sper iTunes tuttina er in disc

Malgrà che la vendita da discs cumpacts è regressiva, han ils Rebels tuttina er vulì edir lur chanzuns en la moda convenziunala. Per la registraziun dal nov album s’hajan els er sa laschà temp questa giada, ha declerà Flurin Bezzola.

Il resultat pon ins giudair en furma d’in concert cun festa sin il bain puril Röven suot a Zernez, sonda saira, 21 da matg 2016 a partir da las 20 h.

Sper il battaisem dal disc cumpact «Istorgias», vegnan ils Rebels sustegnids d’in’ulteriura band engiadinaisa: Cold Spirit.