Siglir tar il cuntegn

Header

video
El ha survegnì cumpagnia
Or da Actualitad dals 22.03.2017.
laschar ir. Durada: 3 minutas 5 Secundas.
cuntegn

Engiadina Observà dus casturs en Engiadina Bassa

Dapi ditg èsi enconuschent ch'in castur viva en vischinanza da la vischnanca da Scuol en Engiadina Bassa. La prima giada è el vegnì observà il 2008. Ussa èsi cler ch'il castur n'è betg pli sulet.

Il castur europeic

Avrir la box Serrar la box

Il castur europeic paisa tranter 23-30 kilograms, ed è circa 80 fin 100 cm lung. El viva en flums ed en vischinanza da la riva. Caracteristic è la cua dal castur, quella è platta, lada e cuvernada cun stgaglias. La cua serva per manevrar en l’aua. Il castur riva da star fin 20 minutas sut l’aua.

Casturs èn monogams, els vivan ina vita entira ensemen cun lur partenari. Per regla han els fin dus pitschens. Dacurt è vegnì observà in segund castur a la riva da l'En. Sa tracti qua d’in pèr?

La probabilitad è gronda, dus mastgels u duas femnas na sa cumportassan numnadamain betg. Tar l'emprim castur, observà l'emprima giada il 2008 è vegnì suspectà ch'el saja vegnì da l’Austria, per lung l’En. Co il segund castur è rivà en Engiadina Bassa n'è betg enconuschent.

La grafica da scuvertas en Grischun
Legenda: La grafica da scuvertas en Grischun RTR

Il dachasa dal castur respectiv dals dus casturs en vischinanza da la centrala electrica Pradella è bain visibla, quel sa chattia en il flum stagnà tras la centrala electrica.

Gronds donns fan ils casturs cun stagnar l’aua e cun rusignar vi da la bostga. L’aua dal En ha in quel lieu però uschè ina gronda dinamica che ina stagnaziun nun è pussaivla. La bostga en vischinanza n’è betg bostga da fritgs empè bostga senza gronda valur. Sche in u l’auter bostg croda causa ils casturs n’è quai betg tragic – dimena in spazi ideal per viver per ils casturs en Engiadina Bassa.

TR Telesguard 17:40

Artitgels legids il pli savens