Siglir tar il cuntegn

Header

cuntegn

Engiadina OEE: Furnì pli pauc ma gudagnà dapli

Las Ouvras electricas d'Engiadina han furnì pli pauca energia l'onn passà, sut il stritg dentant gudagnà dapli. Per ils acziunaris duai dar quest onn ina dividenda levamain pli auta, quai resorta dal rapport annual da las ovras electricas.

Il 2017 han las ovras producì 1,1 milliarda uras kilowatt. Quai èn 17% pli pauc ch'en la media da 10 onns. Sco raschun vegn numnada damain aua. Dal gudogn da 2,2 milliuns francs vegn duvrà 2,1 milliuns per pajair dividendas, il rest va en las reservas.

Las Ouvras electricas d'Engiadina è in'ovra da partenadis tipica. Talas ovras electricas dattan giu lur energia cumplettamain als acziunaris che restitueschan lura ils custs annuals. Ils pli gronds acziunaris da la OEE èn la BKW Energie da Berna cun ina cumpart da 30% al chapital d'aczias - avant l'Alpiq (22%), l'Axpo Trading da Baden (15%) ed il chantun Grischun (14%).

RR novitads 12:00

Artitgels legids il pli savens