Dapi l'onn 1991 datti il Bob Run Skating, inspirà dal film «Fire & Ice» da Willy Bogner. Enfin 150 participants ha gì l'occurrenza nua che giugaders da hockey van en mandura e cun patins giu per la bobera tranter San Murezzan e Schlarigna – en ses meglers temps.
Suenter ina pausa pli lunga ha l'occurrenza puspè gì lieu il 2020. Pervia da la pandemia hai l'onn 2021 puspè dà ina pausa.
La premiera cun uffants
L'idea da laschar partir era uffants al Bob Run Skating ha gì Damian Gianola, l'anteriur mainagestiun dal Olympia Bobrun. Tenor el sajan quai dapi l'entschatta da l'occurrenza pli u main ils medems participants. Cun integrar ils uffants saja qua la speranza da survegnir per l'avegnir puspè novs participants giuvens.
Per la premiera han s'annunziads dudesch uffants, indesch mats ed ina matta. Els tuts giogan activamain hockey, quai ch'è ina premissa per sa participar.
Quai n'è però betg stà l'emprima giada ch'ins è ì cun auters urdains da sport che cun il bob da la bobera giuador, sco in sguard en l'archiv da RTR mussa:
