Siglir tar il cuntegn
Inhalt

Engiadina Omaduas partidas vi d’ina maisa

Il comité «Gea ad in cumpromiss» vul ch’il project d’in hotel da sanadad ed in nov dachasa da la Clinica Gut possia vegnir realisà ils proxims onns a San Murezzan. Perquai vul ins radunar tant ils maina-project, sco er ils adversaris, cun il hotel Kulm ed il hotel Palace a la testa, vi d’ina maisa.

Quartier da Serletta nord e sid a San Murezzan.
Legenda: Quartier da Serletta nord e sid a San Murezzan. RTR, D. Müller

Suenter il cler gea da la populaziun da San Murezzan a la revisiun parziala da la planisaziun locala “Serletta sid”, è la basa legala avant maun per realisar il project.

Adrian Urfer, il CEO da la Clinica Gut ha ditg curt suenter ch’il resultat da votaziun era enconuschent dad esser pront per ina discussiun. Avert per ina tala è er Heinz Hunkeler, il directur dal hotel Kulm a San Murezzan.

Sco ch’il president dal comité, Mario Salis ha ditg ad RTR vulan ins tschertgar proximamain il discurs cun las duas partidas involvidas.