Siglir tar il cuntegn

Header

video
Burning Mountains - Ils purs ed ils open airs
Or da Telesguard dals 26.06.2015.
laschar ir. Durada: 3 minutas 1 Secunda.
cuntegn

Engiadina Open airs – in daletg per ils visitaders, ma era per ils purs

Ils Open airs emplainan las bursas dals purs. Cun dar a fit temporarmain terren agricul, pon ils purs d’ina vart incassar tschains e da l’autra vart pajaments directs.

Per survegnir pajaments directs ston esser ademplidas duas cundiziuns. Per l’ina sto la finamira principala d’ina surfatscha esser il diever agricul e per l’autra sto la racolta annuala d’ina surfatscha esser dapli che 50% dal pavel pussaivel che pudess vegnir producì. Sche quai constat po l’utilisaziun agricula vegnir interrutta per far per exempel in festival sin in prà.

Burning Mountain a Zernez

Uschia er a Zernez, là ha lieu il mument in dals pli gronds festivals da musica electrica en Svizra, il festival Burning Mountain. Quest open air, che duai attrair bunamain 4’000 visitaders quest onn, é ina funtauna d’entradas supplementara per il pur Filipp Grass. Cun fittar durant trais emnas enturn 9 hectaras terren agricul, incassa il pur sper ils pajaments directs era tschains per dar ad emprest quest terren.

Artitgels legids il pli savens